Tuesday, September 20, 2016

पूर्वक्षेत्र सहित देशका धेरै ठाउँमा अहिले पानी परिरहेको छ । मध्य क्षेत्रमा बनेको न्यूनचापिय रेखा तथा बंगालको खाडीबाट आएको जलवाष्पयुक्त हावाको प्रभावले विराटनगरसहित पूर्वी क्षेत्र देशभरि नै मंगलबार रातिदेखि नै झरी परेको छ । मौसमविद  विभूति पोख्रेलका अनुसार अहिले काठमाडौं उपत्यकासहित ताप्लेजुङ, ओखलढुंगा, सिमरा, धनकुटा आसपासका क्षेत्रमा पानी परिरहेको छ । मध्य तथा पश्चिमका केही ठाउँमा बनेको बादल पूर्व्तिर सरेकाले मध्य र पूर्वमा तत्काल मौसम खुल्ने सम्भावना नभएको उहाँले बताउनुभयो । दिउँसोपछि एकैछिन खुलेपनि बेलुका फेरि चट्याङसहित पानी पर्ने मौसमविद पोख्रेलले जानकारी दिनुभयो । उहाँका अनुसार पूर्व र मध्यमा झरी परेपनि पश्चिम नेपालको मौसम भने आशिंक बदली मात्र हुनेछ । पानी परिहाले पोखरा, भैरहवा र दाङ आसपासमा पर्नेछ । शुक्रबारदेखि मौसम सुधार हुने मौसमविदले अनुमान गरेका छन् ।

No comments:

Post a Comment